Kann beim besten Willen nichts finden, deshalb meine Frage:
1: Was kostet ca. ein 40 ft Container von der Schweiz (Basel) nach Ontario (Cornwall). 2: Kann ich mit einem WP (2 Jahre) mein Hausrat zollfrei rueber senden lassen?
wenn de d'pryse becho hesch, odr e ahnig hesch in welli richtig die Sach goht, postisch's bitte, uns stoht dass in kürzi au ab Basel bevor. Allerdings würd uns e 20 füsser wohl länge, evtl. sogar e Seechiste.
Do hett mer mini exfründin gsaid, dass e 20 füesser so öbe 6 Mill sin. Aber vielicht doerf i das do gar nit schriibe. Dr toronto07 hett mer jo befohle, dass i selber luege söll
das muess mr denn no ueberlege ob mr wänn soviel usgäh. Eigentlig hän mr usser klamotte, e türi läder couch und e chli Elektronik nid viel zum mitnäh wo sich lohnt und druff zwarte. s'fählt dr denn jo eh wenn de a chunsch, hesch no nüd, gosch go chaufe und hesch nohär alles doppelt will 6-8 Wuche ufs züg warte isch au e seich. Mol luege.
Don't worry about toronto07, i verrot em nüd
Mir hän uns no nid festglegt wo mr ane göhn. Höchstwahrschinlig BC oder Alberta in nöhi zu de Rockys. Eigentlig würds uns in de Cariboos sehr gut gfalle, aber mit mim Job wirds dörd allwä nüd (Firewaller/Netzwerker bi aber dra mi in richtig Information Security & Risk Management, Business Continuity und Desaster Recovery Planning z'speziallisiere resp. wyterzbilde). Starte wärde mr in Canada aber wohl in Saskatchewan, sin durchs SINP Programm zur PR cho, das verpflichtet .
Bisch Du scho lang in CA? Was machsch Du so und wie bisch übere cho (sod I eigentlich in e PM schriebe, nid?)
Apropos Basel, dr FCB chnorzt wiedermol am Meister wärde ume. Mol luege obs no längt, die Rückrundi spielt YB konstanter.
Liebe Gruess us Basel (gnauer us em Schwarzbubenland, hän also scho e uswanderig hinter uns )
Das Kanada Forum
Thema drucken
23.04.2008 16:19
Antworten
.